Реал Мадрид се подготвува за дуелот со Пачука, втор на актуелното Светско клупско првенство, а и на него нема да смета на големата ѕвезда Килијан Мбапе.
Проблемите со стомакот беа причината што Французинот не беше дел од составот за дербито со Ал Хилал, а така ќе биде и на средбата со Пачука.
Мбапе не отпатувал за Шарлот каде ќе се игра натпреварот и останал во клупската база на Флорида, а тренерот Чаби Алонсо информирал кога очекува негово враќање во составот.
– Сега е подобар.
– Пред два дена беше во болница, но се врати и полека му се подобрува ситуацијата.
– Од ден на ден сум се поголем оптимист дека ќе може да настапи против Салцбург, – рекол тренерот на Реал, алудирајќи на третото коло во групната фаза.
