Баерн Минхен уште сега треба да размислува за наследник на Хари Кејн кој има договор со клубот до 2027 година, а клупската легенда Штефан Ефенберг има конкретен предлог.
Ефенберг очекува Баварците навреме да обезбедат нова „деветка“, а за таа позиција го предлага Ник Волтемаде од редовите на Штутгарт.
– Тој е класичен напаѓач и треба да размислува за клуб како Баерн.
– Не сега, но ќе дојде денот кога Кејн ќе замине и според мене и Баерн треба да го следи неговиот развој, – вели Ефенберг.
Волтемаде имаше одлична сезона во Штутгарт, а сега е еден од најважните играчи на младинската репрезентација на Германија која настапува на Европското првенство.
