Кошаркарската легенда Владе Дивац завршил на итна операција по вчерашната несреќа која ја доживеал во Црна Гора.
Дивац паднал од својот моторцикл и според очевидци не можел самостојно да се движи, пред да биде одведен во болница со амбулантно возило.
Српските медиуми утринава пренесуваат дека некогашниот НБА центар заработил фрактура на колкот и затоа морало да биде опериран, за што побрзо санирање на проблемот кој го заработил со падот.
Дивац последниот период често престојувал на црногорското приморје, каде минатата година му беше домаќин и на славниот Меџик Џонсон во Бока Которска.
Вчерашната несреќа се случила во Луштица.
