Кина ги повика Иран и Израел да преземат „итни“ чекори за намалување на тензиите, пренесува АФП.
„Ги повикуваме сите страни да преземат итни мерки за смирување на ситуацијата, да спречат понатамошна дестабилизација на регионот и да создадат услови за враќање кон решавање на проблемите преку дијалог и преговори“, изјави портпаролот на кинеското Министерство за надворешни работи, Гуо Џиакун.
