Британската пејачка Џеси Џеј (37) откри дека ѝ е дијагностициран рак на дојка во рана фаза.
37-годишната пејачка на хитот „Price Tag“ во видео на Инстаграм дека во последно време поминала многу време „на разни тестови“ и истакна дека долго време размислувала да ја сподели веста со јавноста.
„Сакам да го споделам ова со моите обожаватели и луѓето на кои се грижат за мене. Отсекогаш сум била личност која споделува сè што ми се случува. Пред да излезе песната „No Secrets“, ми беше дијагностициран рак на дојка во рана фаза“, рече Џеси на Инстаграм.
Таа особено го нагласи зборот „рано“, велејќи: „Ракот е ужасен во која било форма, но јас се држам до тој збор ‘рано’. Постојано одев на прегледи и тестови во текот на овој период.“
Призна: „Ми се крши срцето кога ќе помислам колку луѓе минуваат низ слични или полоши работи - тоа е она што најмногу ме боли.“
Таа објасни дека сака да биде искрена и отворена, не само за себе, туку и за другите.
„Искрено, не зборувам доволно за тоа. Не го процесирам тоа затоа што премногу работам. Знам колку ми помогна во минатото кога споделував тешки моменти. Луѓето тогаш ме поддржуваа и ги споделуваа своите приказни“, рече пејачката.
Во својот хумористичен стил, таа додаде дека „добива нова шанса за зголемување на градите“. „Многу драматичен начин за зголемување на градите. Ќе ме нема малку по Летниот бал, кој е на 15 јуни. Морам да се оперирам, а потоа ќе се вратам со огромни гради и уште повеќе музика“, се пошегува таа.
Во описот на видеото, Џеси дополнително ги објасни своите чувства, признавајќи дека е тешко да се балансираат добрите времиња и личните борби.
„Тајмингот беше луд, но и прекрасен - ми даде неверојатна перспектива во овој момент“.
„Шегата настрана… Знаете дека хуморот е мојот механизам за преживување, но последните два месеци беа неверојатни. А паралелно се случуваше и ова, што ми даде посебна перспектива за животот. Но… на вашата девојка ѝ треба прегратка. Исто така, нема да направам огромни гради. Или можеби да? Не, не… Морам да престанам со шегиве“, напиша таа.
„Тајмингот беше луд, но и прекрасен - ми даде неверојатна перспектива во овој момент“, заклучи Џеси.
Во коментарите, бројни пријатели и обожаватели ѝ испратија пораки за поддршка и љубов.
За потсетување, Џеси Џеј и нејзиното момче Чанан Колман добија син во 2023 година. Таа ја потврди веста со трогателно видео на Инстаграм.
