Снимката од инцидентот брзо се прошири на социјалните мрежи и предизвика загриженост околу безбедноста на современата роботика.

Што прикажува видеото?

На видеото, кое првично беше објавено на „Reddit“, се гледа како роботот е закачен со сајла на кран во една фабрика во Кина, додека покрај него стојат двајца техничари. Без никакво предупредување, роботот одеднаш ја губи контролата и почнува да мавта со рацете и нозете на хаотичен начин, уривајќи опрема околу себе и принудувајќи ги техничарите во паника да се оддалечат.

Кој е роботот "Unitree H1"?

"Unitree H1' не е експериментален прототип, туку комерцијално достапен хуманоиден робот со општа намена. Висок е околу 180 сантиметри, тежок 47 килограми и дизајниран да оди, трча, изведува динамични движења како салта наназад или дури и танцување. Неговите зглобови се исклучително моќни и може да подига тешки предмети, што дополнително ја зголемува загриженоста при инциденти од ваков тип.

Што тргна наопаку?

Иако сцената личеше на сцена од научнофантастичен хорор-филм, експертите за роботика брзо објаснија дека не се работи за дефект на вештачката интелигенција, туку за позната софтверска грешка во комбинација со физичко ограничување за време на тестирањето.

Имено, за време на демонстрацијата, роботот бил прицврстен со сајла за главата — што претставува стандардна безбедносна практика — но тој физички елемент не бил земен предвид во алгоритмот за одржување рамнотежа. Сензорите на роботот постојано го толкувале отпорот од сајлата како пад, па софтверот се обидувал да го стабилизира телото. Но бидејќи сајлата го ограничувала движењето, обидите за стабилизација се претворале во бесконечно дивеење со насилни корекции, што изгледало како агресивно однесување.

Реакции и загриженост во јавноста

Иако никој не беше сериозно повреден, видеото предизвика паника на интернет. Многумина го видоа како „прв знак на бунт на роботите“. Сепак, експертите нагласија дека не станува збор за свесна реакција или непослушност на вештачката интелигенција, туку за очекувана грешка во комуникацијата меѓу софтверот и механичкиот систем.

Овој инцидент уште еднаш ја нагласува важноста од детално тестирање и имплементација на безбедносни протоколи, особено кога роботите се користат во непосредна близина на луѓе.