Објектот е наречен „ASKAP J1832 – 0911“, по австралискиот радиотелескоп „ASKAP“ кој прв го детектирал. Неговата необична емисија сигнализира можен влез во сосема нова класа на космички феномени, познати како долгопериодични радио транзиенти (LPT – long-period transients).

Координирано откривање од повеќе извори

Научниците од австралискиот универзитет Куртин, кои го предводеа меѓународниот тим, објаснија дека сигналот од објектот бил снимен во исто време и од рендгенскиот телескоп Чандра на НАСА. Оваа случајна синхронизација овозможила прв двоен (радио + рендгенски) увид во феноменот „LPT“.

„Чувството беше како наоѓање игла во пласт сено“, изјави Зитенг „Енди“ Ванг, астроном во Куртин и главен автор на студијата објавена во списанието „Nature“.

Што се LPT и зошто се важни?

„LPT“ за прв пат биле откриени во 2022 година. За разлика од пулсарите, кои ротираат неверојатно брзо и испраќаат импулси на секои неколку милисекунди, „LPT“ испраќаат бавни и ретки импулси во редовни интервали кои се движат од неколку минути до дури и неколку часа.

„ASKAP J1832 – 0911“, со својот циклус од 44 минути, спаѓа меѓу најбавните „LPT“ досега откриени и првиот чиј сигнал е детектиран и во рендгенски спектар. Ова дополнително го комплицира идентификувањето на изворот.

„Овој објект е различен од сѐ што сме виделе досега“, додаде Ванг.

Што би можело да биде?

Кога првпат биле откриени LPT, научниците се сомневаа дека потекнуваат од магнетари, екстремно густо збиени неутронски ѕвезди со силни магнетни полиња. Но, магнетарите емитуваат импулси во многу побрзи интервали.

Затоа, истражувачите сега шпекулираат дека тие би можеле да бидат сосема нов тип на астрофизички објект, кој сè уште не е класифициран.

„Сè уште не знаеме што ги предизвикува овие пулсирања. Овој нов увид би можел конечно да ни помогне да го откриеме тоа“, соопшти Меѓународниот центар за радиоастрономски истражувања (ICRAR).

Идните мисии како „VERITAS“ и „DAVINCI“ на НАСА треба да обезбедат подетални топографски и спектроскопски податоци за Венера, но научниците би можеле да ги применат нивните методи и на „LPT“ за да дознаат повеќе за овој необјаснет феномен.