Светски познатиот уличен уметник Бенкси го откри своето најново уметничко дело на социјалните мрежи, но ја остави неговата локација мистерија.
Тој сподели две фотографии од уметничкото дело со своите 13,2 милиони следбеници на Инстаграм.
Во делото, нацртан е светилник беж ѕид со зборовите „Сакам да бидам она што го виде во мене“ напишани пред него. Лажна сенка изгледа како да е нацртана на пешачката патека, која произлегува од блискиот столб, што пак дава илузија дека светилникот е силуета на уличниот столб.
Првата фотографија е крупен план на уметничкото дело, а втората прикажува двајца луѓе кои шетаат со кучиња покрај уметничкото дело.
Обожавателите на Бенкси и „онлајн детективите“ шпекулираат дека локацијата би можела да биде во Марсеј, Франција.
Минатата година Бенкси откри голем број уметнички дела на кои се прикажани животни насликани низ центарот на Лондон.
Тој ја започна својата кариера сликајќи згради со спреј во Бристол, Англија, и стана еден од најпознатите уметници во светот. Неговите дела се продавани за милиони долари на аукции, а поранешните мурали на локации низ градовите честопати биле крадени или отстранувани од сопствениците на зградите веднаш по нивното поставување.
