Игли Таре деновиве беше промовиран за нов спортски директор на Милан и ќе се обиде да му помогне на клубот да се врати на врвот не само во Серија А, туку и на европската фудбалска сцена.
Откако успешно ја вршеше функцијата во Лацио, Таре сега доби поголем предизвик, а за клупската телевизија накратко објаснил што се очекува од него, но и што тој ќе очекува од екипата.
– Една работа мора да биде јасна, а тоа е дека е Милан во клуб во кој се бараат резултати веднаш.
– Мене ми е јасно тоа и свесно го прифатив предизвикот, па мора да се погрижиме тоа да се случи со јасни идеи и стратегија.
– Во однос на фудбалерите, сакам да видам играчи кои го потат дресот и кои се гладни за победи и титули. Сакам да го видам „Сан Сиро“ во ситуации во кои фановите експлодираат од радост и ќе се обидам да стигнеме до такво нешто, – изјавил Таре.
