[ФОТО] Опожарени три возила во Битола, едното на политичар и поранешен кандидат за градоначалник од СДСМ

Од полицијата информираа дека сите возила се во сопственост на приватни компании, извршен е увид и нема повредени лица.

„Опожарени се патничко возило ‘тојота рав 4‘ со битолски регистарски таблички, сопственост на приватна фирма, а го користела С.К. од Битола, патничко возило ‘фолксваген пасат‘ со тетовски таблички, сопственост на приватна фирма и возило марка ‘дачиа логан‘ со скопски регистарски ознаки, сопственост на фирма“, велат од полицијата.

Реакција имаше и од СДСМ Битола од каде го осудија палењето на возилото на Кондовски.

„Овој насилен чин влева страв кај граѓаните за нивната личната безбедност, а на само неколку месеци пред локалните избори, и несигурност за интегритетот на процесот“, велат од партијата.

Се додава дека Битола станува небезбедна, а со вакви појави гледаме дека и цела Македонија е претворена во место на страв и пресметки.

Се бара од Владата итно да реагира, истрагата да биде брза и ефикасна, а сторителите да бидат изведени пред правдата.

Фото: Тера