Извесен мостарчанец денес имал крајно необична прослава – својот развод одлучил да го одбележи со музика, пријатели и – многу смеа.
Наместо тага, тој одлучил да прослави нов почеток, со оркестар кој само за оваа прилика допатувал од Србија.
Веселата поворка тргнала од кафулето Феникс во населбата Центар 2 во Мостар, каде започнала необична веселба. Со звукот на труби и хармоники, поворката застанала на бурек кај познатата бурекџилница, а потоа точно во 9 часот и 30 минути се појавила пред зградата на Општинскиот суд во Мостар, каде што се одржал официјалниот дел – потпишувањето на документите за развод.
Proslava razvoda Mostar🎺 OVO IMA SAMO U MOSTARU 🎉
Mostarac proslavio razvod braka uz orkestar, prijatelje i – burek! Vesela povorka, uz zvuke trube i dobro raspoloženje, krenula je iz kafića Fenix prema Općinskom sudu Mostar, gdje je i službeno okončan brak. Pogledajte kako izgleda kad se razvod slavi kao svadba! 💃📝🥳
Video: Hercegovina.info
Posted by Hercegovina.info on Wednesday 30 April 2025
Пред општинскиот суд, трубачите најпрвин го испеале свадбениот хит „Izađi, mala“, додека по потпишувањето на разводот била испеана „Nesanica“.
Дури и членовите на оркестарот признале дека свиреле на свадби, родендени и погреби, но – никогаш досега не славеле развод.
Сцените со чудење ги следеле и бројни минувачи кои се интересирале што се слави во центарот на Мостар.
По завршувањето на формалностите во судницата, екипата со славеникот се вратила во Центар 2, каде забавата продолжила во истиот мостарски тон.
Извор: hercegovina.info
