Во пожар во ресторан на североисток од Кина вчера загинаа 22 лица, објави официјалната новинска агенција Синхуа, без да ја наведе причината за пожарот. Ова е најновиот во низата слични смртоносни инциденти низ целата земја во последниве години, објави Ројтерс.
„Синхуа“ објави дека претседателот Кси Џинпинг го нарече ова длабоко отрезнувачка лекција и ги повика лекарите да им помогнат на повредените, а локалните власти да утврдат што го предизвикало пожарот и да ги пронајдат одговорните. Пожарот избувнал во ресторан во станбена област во градот Лиаојанг во покраината Лиаонинг, објави државната телевизија CCTV. Три лица беа повредени.
#Liaoning #China🇨🇳- At least 22 people killed and three others injured after fire breaks out at hotel restaurant in #Liaoyang; Ministry of Emergency Management has said (📹谷火平) pic.twitter.com/5pAvAgBbqh
— CyclistAnons🚲 (@CyclistAnons) April 30, 2025
Снимките што кружат на социјалните медиуми, вклучувајќи ги X и кинеската платформа Douyin, а кои се потврдени од Ројтерс, покажуваат светло портокалови пламени како зафаќаат продавница на ниво на улица, покрај десетици паркирани возила. Можеше да се види како се издига чад додека болничарите им помагаа на луѓето на носилки.
China
— ChinaVideos (@ChinaVideos1) April 30, 2025
Liaoyang Sanlizhuang Chef Restaurant Fire Killed 22 People
At noon on April 29, a fire broke out at the "Cook Chinese Restaurant" in Sanlizhuang, Liaoyang. Witness: The fire started very quickly, and the thick black smoke instantly covered the upper and lower floors.… pic.twitter.com/pkHXcLRKGr
Хао Пенг, секретар на партискиот комитет на покраината Љаонинг, изјави дека на местото на настанот се распоредени 22 противпожарни возила и 85 пожарникари. Хао рече дека спасувачката работа на местото на настанот е завршена и дека луѓето се евакуирани.
