Портпаролот на Кремљ, Дмитриј Песков, ја обвини Украина за денешниот напад со автомобил-бомба во Москва, во кој беше убиен рускиот генерал Јарослав Москалик.
„Киевскиот режим уште еднаш ја покажа својата вистинска природа. Киевскиот режим продолжува да се вклучува во терористички активности во нашата земја“, рече Песков. „Ова уште еднаш покажува дека, и покрај мировните преговори, мора да останеме будни и да разбереме со каков режим си имаме работа“, додаде тој.
Украинските власти сè уште не дадоа коментар за нападот. Претседателот Володимир Зеленски денес, по рускиот ракетен напад врз Киев во кој загинаа 12 цивили, повика на дополнителен притисок врз Москва.
Video allegedly showing the moment Major General Yaroslav Moskalik, deputy chief of the Main Operations Directorate of the General Staff of the Russian Armed Forces, is killed by an IED planted in a VW car in a suburb of Moscow. pic.twitter.com/dg80a3CAwm
— Euan MacDonald (@Euan_MacDonald) April 25, 2025
