НБА лигата по крајот на регуларниот дел од сезоната направи интересен пресек во повеќе категории, а ја потврди и популарноста на Лука Дончиќ, кој стана лидер во продажбата на дресови по неочекуваната размена и пристигнувањето во редовите на Л.А Лејкерс.
Словенецот носи и огромен комерцијален бенефит за лигата и клубот, па неговиот дрес со број 77 се продал во најмногу примероци во текот на сезоната 2024/25.
Дончиќ на овој начин ја прекина доминацијата на Леброн Џејмс и Стеф Кари кои доминираа повеќе од една деценија, а годинава се нашле на третото, односно второто место според продажбата на дресови.
Во првата десетка се уште и Тејтум, Брансон, Вембањама, Едвардс, Морант, Гилџус-Александер и Јокиќ, кој интересно е на дури десеттото место.
НБА направи Топ 5 пресек и на најгледатените потези на дигиталните платформи, односно социјалните мрежи на лигата, а убедливо на првото место е Џа Морант со еден навистина атрактивен потез кој заврши со поени.
🤯 The TOP 5 MOST-VIEWED PLAYS across @NBA social and digital media platforms during the 2024-25 NBA regular season!pic.twitter.com/7e25XTLzca
— NBA (@NBA) April 14, 2025
