"SpaceX" успешно ја заврши најновата комерцијална мисија, наречена „Fram2“, во рамките на која четворица богати туристи поминаа неколку дена во орбитата околу Земјата.
Патувањето започна во понеделник, а враќањето се случи денес во 9:19 часот по пацифичко време, кога капсулата "Crew Dragon“ се спушти во близина на крајбрежјето на Калифорнија.
Патниците имаа задача да фотографираат од вселената, особено Северниот и Јужниот Пол, со фокус на поларната светлина (Аурора), како и да ги документираат своите искуства со вселенска мачнина.
The hatch is open and the crew will now begin their unassisted exit from Dragon in support of a research study pic.twitter.com/ui3hHhHEUP
— SpaceX (@SpaceX) April 4, 2025
Еден од членовите на екипажот беше милијардерот Чун Ванг, кој своето богатство го стекнал преку криптовалути. Тој напиша дека првите неколку часа во микрогравитација биле непријатни и дека повраќале.
Освен тој, на патувањето беа и норвешката филмска режисерка Јанике Микелсен, германската истражувачка по роботика Рабеа Роге, и австралискиот авантурист Ерик Филипс.
— SpaceX (@SpaceX) April 4, 2025
Ова е шеста приватна мисија со екипаж која ја организира "SpaceX" и претставува најнов технолошки подвиг на компанијата, која и понатаму доминира на глобалниот пазар за човечки вселенски летови.
Лансирањето се случи во време кога Илон Маск, покрај тоа што е извршен директор на "SpaceX" и најбогатиот човек во светот, има и сè поголемо политичко влијание во САД, особено како близок советник на претседателот Трамп.
