Пласманот во финалето на шпанскиот Куп ја остави Барселона во ситуација да се бори за три важни трофеи, нешто што фановите го посакуваат како сценарио за актуелната сезона.
Каталонците го елиминираа Атлетико и закажаа „Ел Класико“ пресметка со Реал во финалето на Копа дел Реј, а тренерот Ханси Флик е свесен дека ваквиот епилог само ќе ги направи погласни оние кои очекуваат трофеи на сите фронтови.
– Имаме право да сонуваме, но истовремено мора да бидеме фокусирани на тоа што треба да го направиме.
– Сега мора да размислуваме за Бетис, следните неколку недели ќе ни бидат тешки, но имаме фантастичен тим и клубот и фановите можат да бидат горди поради тоа.
– Не би сакал да зборувам уште отсега за финалето и тоа „Ел Класико“, тој натпревар во моментов не е приоритет и не е толку важен, – рекол Флик.
