Расел Вестбрук се претвори во огромен трагичар во болниот пораз кој го претрпе Денвер по две одиграни продолженија со Минесота, бидејќи на десет секунди пред крајот не реализираше лесно положување, а потоа направи фаул по обид на противникот за три поени.
Во самата завршница, Минесота доби три слободни фрлања и на крајот успеа да победи со 139:140 во домот на Нагетси, но што е уште поневеројатно, успеа да триумфира во натпревар на кој Никола Јокиќ испорача историски бројки.
Личниот рекорд од 61 поен беше надополнет со трипл-дабл учинок со 10 скокови и 10 асистенции, но на крајот се се сведе на завршните 10 секунди во кои Расел беше најблаго речено ужасен.
Вестбрук го уништи сето она што го градеа Јокиќ и тимот во само десет секунди, па откако му пресуди на својот тим, беше доволно лут и нервозен за да слуша критики од трибините.
Навивачите на Денвер му дофрлија нешто на Вестбрук додека тој го напушташе теренот, а Расел реши да се врати и да влезе во клинч со еден фан кој најверојатно кажа нешто што не му се допадна.
На крајот, Вестбрук беше тргнат настрана од еден од членовите на Денвер, по што со уште поголема агонија се упати во соблекувалната.
— Rob Perez (@WorldWideWob) April 2, 2025
