Реакцијата на Надал по голот на Ридигер е хит меѓу фановите на Реал

Иако важеа за огромни фаворити по победата од 0:1 во Сан Себастијан, избраниците на Карло Анчелоти му дозволија на Реал Сосиедад да биде пред пласман во големото финале со предноста од 1:3, но „кралевите“ успеаја навреме да реагираат и се изборија за резултат кој донесе дополнителни 30 минути игра.

Големата драма на „Бернабеу“ кулминираше во 115-та минута кога Антонио Ридигер се покажа како „џокер“ во противничкиот шеснаесетник, момент кој донесе огромна радост, но и олеснување кај Рафаел Надал.

Славниот тенисер е познат како огромен и страствен фан на „кралскиот клуб“, нешто што слободно може да се заклучи и од неговите реакции и гестикулации на трибините.

Рафа во ниту еден момент не остана мирен во ВИП ложата во која седеше заедно со својот татко, а начинот на кој го прослави клучниот гол на Ридигер брзо стана вирален на социјалните мрежи.