Јокиќ испорача 61 поен, Вестбрук му ја упропасти историската партија со два шокантни потези

Денвер и Минесота одиграа две продолженија и победникот се решаваше во драматични услови, во кои убедливо најлош беше Расел Вестбрук.

Плејмејкерот на Денвер успеа да ја упропасти историската партија на српскиот кошаркар, кој за 52 минути минати на паркетот забележа 61 поен, 10 скокови, 10 асистенции и 2 украдени топки.

Јокиќ постави личен рекорд по бројот на поени со оваа егзибиција на НБА паркетот, меѓутоа мораше да се помири со болен пораз поради два шоканнти потези на неговиот соиграч.

Во ситуација кога Денвер имаше поен позитива (139:138), Вестбрук најпрво промаши зицер и лесно полагање, а потоа во завршната акција направи непотребен фаул и му овозможи на противникот да изведе три слободни фрлања.

На овој начин, Денвер беше осуден на пропаст, па Минесота си замина со победа од 139:140 од „Бол арената“.