Полицијата го приведе 21-годишниот кумановец И.И поради возење под дејство на алкохол.
Според информациите од МВР, ова се случило по полноќ на регионалниот пат Куманово – Свети Николе, во населба Доброшане.
По преземените мерки, било констатирано дека има 1,52 промили алкохол во крвта.
Тој веднаш бил исклучен од сообраќај и задржан во полициска станица.
Против него ќе биде поднесена пријава за безобѕирно управување со моторно возило.
