Еден од бајковитите градови во Португалија, сместен меѓу бујните шуми и карпести ридови, секоја година привлекува илјадници домашни и странски туристи.
Малото магично гратче Синтра е само 20 километри оддалечено од Лисабон, а го основале Маврите во 8 век, за што до денес сведочи една од најпознатите градби во градот – Мавританската тврдина.
Тука се и бројни други палати – неоготската „Quinta da Regaleira“ и палатата Пена.
Паласио да Пена е најпознатото обележје на Синтра и најубавиот пример на архитектурата на португалскиот романтизам. Оваа палата ја изградил кралот Дон Фернандо II кој сакал да го изгради својот замок од соништата. Палатата Пена била создадена со комбинирање на антички, ренесансни, ориентални и мануелински стилови во архитектурата. Во склоп на палатата се наоѓа и градина на површина од речиси 85 хектари, што претставува вистинска ботаничка градина со растенија од целиот свет. Така, во оваа градина скриена на работ на светот, се наоѓаат вистински реткости на природата.
Паласио Национал да Вила де Синтра била омилената летна палата на португалските кралеви. Од сите палати кои ги изградиле кралевите, Националната палата во Синтра е единствената која останала речиси недопрена, соочувајќи ги своите оригинални контури. Од Реконквиста – победата на христијаните над Маврите кои исто така владееле со овој дел од Европа, португалските кралеви работеле од 12 до средината на 16 век на проширување и приспособување на оваа палата, така што конечно го добила својот последен изглед во 16 век, кој е зачуван и денес.
Богато украсените соби, каде што сè уште може да се видат оригиналните мавритански резби и каде се чуваат некои од најубавите примероци на азулежос, се само еден дел од приказната за животот во палатата. Националната палата во Синтра беше вклучена во списокот на светско наследство на УНЕСКО во 1995 година.
Синтра ги воодушевила португалските владетели, но и двајца големи европски писатели. Еден од двајцата е Ханс Кристијан Андерсен, кој токму таму пронашол инспирација за своите прекрасни бајки. Вториот е Лорд Бајрон, најголемиот бард на европскиот романтизам, чие големо патување започнало токму во Португалија.
Денес
