Максимо Напа Кастро (61) испловил на 7 декември од Маркона, крајбрежен град во јужен Перу, но лошите временски услови го изместиле од курсот, пренесува „Андена“.

Рибарот изјавил дека цело време мислел на своето семејство за да остане жив.

„Си велев на себе дека не сакам да умрам поради мајка ми. Имам внука стара само неколку месеци, а помислата на неа ме одржуваше. Секој ден мислев на мајка ми“, изјави Напа Кастро.

Благодарност до еквадорските рибари

Неговата ќерка, Инес Напа Торес, јавно им се заблагодари на еквадорските рибари што му го спасиле животот.

„Ви благодарам, еквадорски браќа, што ми го спасивте таткото Гатон. Бог нека ве благослови“, напиша таа во објава на „Facebook“.

Семејството на Напа Кастро и групи рибари го барале цели три месеци.

„Секој ден беше исполнет со страв за целото семејство, а ја разбирам болката на баба ми, бидејќи како мајка знам како е тоа. Никогаш не мислевме дека ќе доживееме ваква ситуација, тоа не би му го посакала на никого. Никогаш нема да ја изгубиме надежта, тато, ќе те најдеме“, напиша неговата ќерка на 3 март на „Facebook“.

По неговото спасување, Напа Кастро бил примен на лекарски преглед во болница во Паита, во близина на границата меѓу Перу и Еквадор, а во саботата бил пуштен на домашно лекување, пренесува „Ecuavisa“.