Претседателот Александар Вучиќ изјави дека, пред сè, сака да изрази задоволство што бил одржан голем протест со огромна негативна енергија, гнев и бес кон властите во Србија, но дека немало загинати, ниту тешко повредени.
Како што истакна, 56 лица се повредени, но нема тешко повредени.
„Вкупно 44 лица се наоѓаат во Ургентниот центар или побарале помош таму, 11 во Клиничко-болничкиот центар Звездара, едно во Земун – вкупно 56 лица. Нема тешко повредени. Лицето за кое се плашевме дека е во тешка состојба, бидејќи добило многу удари, всушност е жртва на меѓусебна тепачка меѓу демонстрантите на Плоштад Никола Пашиќ. Тоа лице има најтешки повреди, но тие формално само спаѓаат во категоријата на тешки телесни, а неговиот живот и витални функции не се загрозени“ – изјави Вучиќ.
Тој додаде дека 22 лица се уапсени поради извршување кривични дела против имотот.
„Сакам да кажам дека се срамни обвинувањата дека некој користел звучен топ, претставувајќи ги војниците и припадниците на ’Кобри‘ како да држат такво нешто. Денес не кренавме ниту употребивме пендрек. Полицајците трпеа и издржаа сè. Во Пионирскиот парк беа фрлени над 60 шок-бомби и факели. Имаше многу насилство уште од вчера. Оштетени и уништени се повеќе од 100 трактори“, изјави претседателот на Србија, Александар Вучиќ.
Тој истакна дека сите лица кои учествувале во уништувањата ќе бидат приведени и ќе одговараат за кривични дела.
„Овој собир денес не беше пријавен, што ни создаде многу проблеми. Со мудрост и разум, без да подлегнеме на триковите за прераспоредување на нашите сили – како што се обидуваа да ни го наметнат преку криминални и тајкунски медиуми со лажни вести – ја зачувавме стабилноста. Честитам на мудриот пристап на безбедносните сили, полицијата и Воено-безбедносната и информативната агенција, кои знаеја дека главниот настан ќе се одржува на истото место во текот на целиот ден. Некои сакаа инциденти, но горд сум што 99% од студентите кои блокираа не сакаа никакви конфликти“, рече Вучиќ.
Тој додаде дека протестите траат веќе четири и пол месеци, како резултат на големата трагедија и обвини дека опозицијата сакала да ги искористи студентите без да се грижи за другите луѓе.
„Ги повикувам студентите искрено и без притисок од лажни експертски групи да ги погледнат првите три барања – ќе видат дека се исполнети. Денес, на специфичен начин, но со сигурност, победи Србија. Успеавме да го зачуваме мирот и да се избориме со сè што стоеше зад ова. Успеавме да ја одбраниме Србија“, заклучи Вучиќ.
Претседателот на Србија се обрати по денешните студентски протести во Белград.
Студентскиот протест беше завршен во Белград откако дојде до инцидент кај Пионирскиот парк, по што студентските редари ги симнаа прслуците и ги повикаа граѓаните да го напуштат платото пред Собранието.
Денес
