Сепак, покрај млечните производи, калциумот можете да го внесете и преку овошје богато со овој минерал.

Зошто е важен калциумот за телото?

Нутриционистката Аншул Синг за порталот „Health Shots“ објаснила дека „речиси 99 проценти од калциумот се наоѓа во коските и забите, каде што обезбедува структурна поддршка и цврстина“. Бидејќи коските постојано се обновуваат, овој минерал помага во одржување на нивната густина и спречува губење на коскената маса. Исто така тој е клучен и за јачината на забната глеѓ, која штити од киселини и бактерии.

Калциумот помага и во правилното функционирање на мускулите, овозможувајќи им правилно да се контрахираат и да се опуштаат. Исто така, помага при згрутчување на крвта, придонесувајќи за заздравување на раните и спречување на прекумерно крвавење.

Кое овошје да се консумира за внес на калциум?

Ако сакате да внесете повеќе калциум во вашата исхрана со консумирање овошје, во вашето мени почесто вклучете некои од овие вкусни и здрави опции.

Портокали

Портокалите не содржат само витамин Ц. Според американското Министерство за земјоделство (USDA), 100 грама портокал содржи 43 mg калциум. „Затоа, консумирањето портокали може да го поддржи имунолошкиот систем, здравјето на коските и нормалната мускулна функција“, објасни нутриционистката.

Смокви

Смоквите не само што се богати со калциум, туку и со калиум, влакна и антиоксиданти. „Половина шолја смокви содржи околу 180 милиграми калциум, а поради високата содржина на влакна помагаат во подобрување на варењето“, додаде нутриционистката. Високата содржина на калиум во смоквите придонесува и за здравјето на срцето.

Киви

Киви, одличен извор на витамин Ц, а содржи и калциум. „Благодарение на високата содржина на витамин Ц, го промовира здравјето на кожата и производството на колаген“, објасни Синг. Со приближно 60 милиграми калциум, кивито помага и во одржување на здравјето на коските.

Капини

Капините се бобинка која исто така е богата и со калциум. „Половина шолја капини содржи околу 42 милиграми калциум“, рече нутриционистката. Освен со калциум, капините се богати со витамин Ц, влакна и антиоксиданти, што ги прави одлични за имунолошкиот систем и дигестијата.

Малини

Уште една бобинка што можете да ја консумирате за внес на калциум се малините. Нутриционистката истакнала дека „половина шолја малини содржи околу 32 милиграми калциум“. Оваа сакана бобинка исто така е богата со влакна и витамин Ц, а редовното консумирање може да ја подобри дигестијата, да го зајакне имунитетот, како и коските и забите.

Лимон

Лимоните се одличен извор на витамин Ц и влакна, а содржат и калциум. Според „USDA“, 100 грама лимон содржи 26 милиграми калциум. „Бидејќи се богати со витамин Ц, лимоните го зајакнуваат имунолошкиот систем и ја подобруваат апсорпцијата на калциум, што е клучно за здравјето на коските“, заклучи нутриционистот.