Технологијата, обновливите извори на енергија, автомобилската индустрија, здравствениот сектор и агротуризмот се само дел од областите што привлекуваат сè повеќе инвеститори и создаваат нови работни места.

Технолошкиот сектор – двигател на економијата

Информатичката технологија (ИТ) е убедливо најдинамичната индустрија во Македонија, со постојан раст и побарувачка за квалитетни кадри.

Компаниите кои работат на аутсорсинг, развој на софтвер и сајбер безбедност бележат значително зголемување на ангажманот, а платите во оваа индустрија се над просекот.

Александар Стојчев, ИТ консултант во една од водечките компании во земјава, вели:

„Побарувачката за софтверски инженери, девопс експерти и аналитичари за податоци е огромна. Компаниите не само што нудат конкурентни плати, туку и можност за работа од далечина, што ги прави овие работни места привлечни за младите“.

Обновливи извори на енергија – зелената иднина

Сè поголем број компании инвестираат во соларни и ветерни електрани, а државните субвенции дополнително ја поттикнуваат оваа индустрија.

Потребата за инженери за обновлива енергија, електротехничари и монтажери на соларни панели е во пораст.

„Секторот на обновливи извори на енергија станува стратегиски важен за земјата. Имаме потенцијал за производство на соларна и ветерна енергија, а компаниите сè повеќе бараат квалификувани работници“, објаснуваат енергетските експерти.

Автомобилската индустрија – раст преку странски инвестиции

Во изминативе години, Македонија привлече повеќе странски инвестиции во автомобилската индустрија. Голем број фабрики за производство на автомобилски делови отворија нови работни места, а индустријата постојано бара инженери, техничари и специјалисти за производство.

Менаџер во една од фабриките во индустриската зона кај Скопје, вели:

„Оваа индустрија расте благодарение на странските инвестиции. Работниците со технички вештини, како CNC оператори и механичари, имаат многу можности за вработување“, изјави нашиот соговорни кој сакаше да остане анонимен.

Здравствениот сектор – зголемена потреба за медицински кадар

Здравствената индустрија е една од најстабилните, а со зголемената побарувачка за медицински сестри, доктори, физиотерапевти и фармацевти, многумина гледаат кариера во овој сектор.

Младите кои ќе се насочат кон медицината речиси сигурно ќе најдат работа.

Дури и со средно медицинско образование, можностите за вработување се големи.

Целосниот текст можете да го прочитате ТУКА.