Италијанската манекенка и една од најубавата жена на светот Бјанка Балти (40) објавила дека ѝ е дијагностициран рак на јајчниците, а неодамна за првпат била снимена во јавноста по откривањето на тешката дијагноза. Како што открила популарната манекенка, таа се труди да биде позитивна и покрај лошите вести.
Неодамна фотографите ја снимиле Бјанка Балти зад воланот на нејзиниот автомобил на улиците на Милано, но и во прегратките на нејзиното ново момче Алесандро Кутрера, а таа на својот Инстаграм споделила серија фотографии на кои се гледа нејзината борба со ракот на јајчниците. Нејзината најголема поддршка доаѓа од Кутрера, со кого неодамна била видена како разменува бакнежи на улиците на Милано. Двојката шетала низ градот, се гушкале, а фотографите ги фатиле моментите. Бјанка јасно стави до знаење дека може да се потпре на Алесандро во овие тешки времиња.
И покрај тешката дијагноза, манекенката постојано одржува позитивен дух и се труди да биде оптимист. Таа често споделува инспиративни моменти на социјалните мрежи, покажувајќи ја својата решителност во борбата против болеста.
Сега, по повод Светскиот ден за борбата против ракот кој се одбележува на 4 февруари, таа објави хронолошка серија фотографии во кои го опишува времето од моментот кога дознала за болеста до денес.
„Светскиот ден за борбата против ракот отсекогаш бил само случаен ден на кој би ме потсетувале некои објави на Инстаграм, иако тетка ми почина од метастатски рак на дојка на 39-годишна возраст, а мајка ми доби мултипен миелом пред неколку години сама моето тело“, напишала таа.
„Отидов во итната помош и дознав дека болката во долниот дел на стомакот е всушност рак на јајчниците во стадиум 3 C. Тоа беше единствениот симптом кој го почувствував. Беше недела полна со страв, болка и солзи, но уште повеќе љубов, надеж, смеа и сила. (Видете ги овие слики за доказ, ха ха.) Имам долг пат пред мене, но знам дека ќе победам“, порачала покрај фотографијата од болничкиот кревет.
„Поради себе, моите најблиски (моите ќерки се на прво место) и сите вас на кои им треба сила – можете да позајмите дел од мојата затоа што ја имам и премногу. Животот се случува; дајте му причина. Ракот досега ми пружи прилика да ја пронајдам убавината и покрај животните препреки“.
„На 14 октомври ја започнав битката со хемотерапијата, која заврши минатиот понеделник, но на мое големо изненадување, овие неколку месеци се чувствував жива како и секогаш. Повеќе не го земав животот здраво за готово, а мојата благодарност го достигна својот врв. Сè почна да се чувствува како вистински благослов“, додала таа.
На подоцнежните фотографии таа открила дека ја изгубила косата поради ракот.
Инаку, Бјанка својата 16-годишна ќерка Матилда ја добила со фотографот Кристијан Луциди со кој била во брак од 2006 до 2010 година, а помладата Миа во 2015 година со Метју МекКреј со кого се омажила една година подоцна, но бракот траел само неколку месеци.
Често можете да слушнете коментари дека Бјанка Балти е најфаталната Италијанка, рамо до рамо со Софија Лорен и Моника Белучи, а потврда за тоа добила и во 2015 година кога магазинот „Плејбој“ ја прогласил за најсексипилна жена на светот.
Манекенката важи за дама со најсензуално лице во модниот свет, па затоа најчесто ја ангажираат козметичките брендови. Интересно е што сексипилната 40-годишна девојка била откриена релативно доцна – таа веќе била навлезена во своите 20-ти години и студирала графички дизајн кога агент ја забележал во супермаркет.
