Марк Гурман, еден од водечките аналитичари на „Apple“,за "Bloomberg" потврди дека компанијата моментално не развива паметен прстен, и покрај долгогодишните гласини и патенти поврзани со производот. Ова остава отворен простор за компании како "Samsung", "Oura" и други производители да доминираат на овој растечки пазар.

Ситуацијата не е подобра кога станува збор за телефони на преклопување. Додека "Samsung", "Motorola", "OnePlu"s и "Honor" постојано ги подобруваат своите модели на преклопување, "Apple" наводно го одложува својот прв склоплив "iPhone" до 2026 година, со постојани одложувања и промени во плановите.

"Apple" се повлекува, "Samsung" презема иницијатива

Особено интересно е повлекувањето на "Apple" од сегментот на паметни очила. Додека "Meta" ги лансира своите паметни очила "Ray-Ban", а "Samsung" и "Google" ги здружуваат силите за да ја развијат платформата "Android XR", "Apple" ја пропушта можноста да влезе во една од најбрзо растечките категории на технологија за носење.

Компанијата која некогаш ги повикуваше корисниците да „размислуваат поинаку“, сега изгледа крајно претпазливо кога станува збор за нови категории на производи. Спротивно на тоа, "Samsung" го задржува својот експериментален пристап, тестирајќи нови технологии и постојано подобрувајќи ги постоечките производи.

Што значи ова за корисниците?

Недостатокот на конкуренција од "Apple" може да доведе до забавување на иновациите, бидејќи "Samsung" има помал поттик да се натпреварува со својот најголем ривал. Во моментов, "Apple" се чини дека се фокусира првенствено на развој на вештачка интелигенција, додека другите потенцијално револуционерни технологии остануваат на маргините.