Дејан Савичевиќ е фудбалска легенда од овие простори и важи за еден од најдобрите на сите времиња, не само поради времето кое го мина во Црвена Звезда, туку и поради кариерата која ја изгради на големата европска сцена.
Савичевиќ одигра шест фантастични години во Милан и успеа да освои три титули во Серија А и една во Лигата на шампионите, па како играч кој остави посебен белег на „Сан Сиро“, неговиот глас секогаш длабоко продира меѓу „росонерите“.
Милан донесе пет нови играчи во зимскиот преоден рок и се засили на неколку позиции, но истовремено дозволи и заминувања на искусни играчи како Мората, Калабрија и Бенасер.
– Јас му верувам на Ибрахимовиќ, ако тој вели дека новото засилување Хименез е навистина добро, тогаш тоа е така. Јас не го познавам добро, но ако Ибра вели дека тој е силен, тогаш тој е силен, – вели Савичевиќ и додава.
– Очекувам еден поинаков Милан од првиот дел од сезоната. Консеисао изгледа како вистинскиот човек, особено за Жоао Феликс. Жоао е голем талент и мора да се врати во најдобра форма. Сум го гледал како игра, но потребна му е помош и поддршка од тренерот, мислам дека ќе го добие тоа со Консеисао.
– Мислам дека Милан навистина го засили тимот оваа зима. Жалам само за едно, за заминувањето на Исмаел Бенасер. Навистина ми се допаѓа тој играч, – открива Деки.
