Шпанската кралица Летиција (52) во четвртокот го посети училиштето „CEIP Cortes de Cadiz“ во Мадрид, кое е дел од социо-емоционалното образование и програмата „Think Alike“, а нејзиното моќно деловно издание ги воодушеви присутните. Шпанската кралица Летиција уште еднаш покажа зошто важи за една од најстилските кралици во светот.
Кралицата Летиција на состанокот со наставниците и учениците пристигнала во неверојатен црвен костум, кој се состоел од палто со едноставни црни копчиња и елегантни панталони со широки ногавици.
Под црвениот костум се гледала црната блуза, додека преку рамениците обвила црн капут. Неверојатната облека ја заокружила со црни мокасини на платформа.
Бидејќи сонцето и дождот наизменично се менувале над небото во Мадрид, најстилизираната кралица носела и голем црн чадор, кој грациозно го затворила пред фоторепортерите.
Косата ја пуштила слободно да ѝ паѓа, а целото издание го зачинила со нејзината препознатлива насмевка.
Мајката на две деца е голема љубителка на светли бои и може да се пофали со импресивна колекција во разни бои како што се виолетова, борда и розева.
Покрај фустаните кои често ги носи, Летиција често се појавува и во костуми, што докажува дека ова парче облека не е резервирано само за мажи и дека секоја дама може и тоа како да изгледа женствено во сако и панталони.
