Доналд Трамп на неговата инаугурација ѝ пријде на сопругата Меланија за да ја бакне, меѓутоа не успеа во намерата поради нејзиниот шешир.
Набргу потоа на социјалните мрежи се појавија бројни коментари под снимката од овој момент.
„Таа намерно го одбра овој шешир за инаугурацијата“, „Изгледа дека ѝ е мило што не успеа да ја бакне“, „Меланија изгледа како да вели: „Доналд, овој „бакнеж во воздух“ ќе те чини дополнителни два милиони долари“, беа само дел од коментарите.
Инаку Трамп положи заклетва во зградата на Капитол и со тоа стана 47-ми претседател на САД, четири години откако поразен ја напушти Белата куќа. Тој се врати во седиштето на американското претседателство каде ќе ги помине следните четири години.
На инаугурацијата присуствуваа бројни гости, меѓу кои и сите живи поранешни претседатели на САД (Џо Бајден, Барак Обама, Џорџ Буш и Бил Клинтон), како и светски лидери и технолошки милијардери.
