Кокошка стана вирална на "TikTok" откако нејзиниот сопственик сподели видео на кое се гледа како таа прифаќа напуштено јајце од паун и го посвојува како свое. Оваа необична врска ги допре срцата на гледачите. Видеото за само три дена собра повеќе од десет милиони прегледи и над милион лајкови.
Иако разликата во големината и изгледот беше брзо забележана, кокошката не правеше никаква разлика и го третираше малиот паун како да е нејзин. И покрај тоа што паунот веќе беше со големина на кокошка, сепак се обидуваше да се вовлече под својата „мајка“ за да се стопли и да заспие. Потоа, беше прикажан моментот кога паунот веќе ја надраснал кокошката, но тие сè уште биле неразделни.
Воодушевените гледачи коментираа дека оваа приказна заслужува да биде прикажана во книга за деца, на што сопственичката одговорила дека веќе работи на книга за деца базирана на приказната за малата кокошка Сузан и нејзиното бебе паун Пиви.
„Се прашувам дали кокошката мисли дека го одгледала своето бебе толку добро што пораснало толку многу“, „Може ли само да истакнеме колку одлични мајки се кокошките?“, „Ова би било одличен анимиран филм“, „Луѓето би можеле да научат многу од ова“, се само дел од коментарите.
Погледнете ја оваа слатка семејна приказна во приложеното видео.
