Хавиер Маскерано го прифати предизвикот и беше назначен за предводник на МЛС составот Интер Мајами каде одново ќе има можност да соработува со добро познати имиња како Лионел Меси, Серхио Бускетс, Жорди Алба, Луис Суарез со таа разлика што сега нивниот однос ќе биде поинаков затоа што Аргентинецот ја има улогата на тренер.
Ова дефинитивно е ѕвезден тим на клубот од Флорида кој во меѓувреме се поврзува и со други имиња, а некои и пак се нудат посакуваат да се најдат таму како што е Нејмар.
Бразилецот има договор со Ал Хилал до крајот на сезонава и истиот најверојатно нема да биде продолжен, па токму напаѓачот пред неколку дена посочи дека би било убаво ако одново би се заиграл заедно со Меси и Суарез.
Маскерано не би имал ништо против оваа опција, меѓутоа според сегашните правила тоа е неверојатно и тоа добро го знае популарниот Ел Хефесито.
- Не можеме да зборуваме за Нејмар бидејќи немаме ништо. Очигледно Нејмар е одличен играч. Секој тренер во светот го сака, но во моментов, ги знаете правилата на МЛС околу ограничувањата на платите. Така, за нас во овој момент, невозможно е да се обидеме да размислуваме за него, - порача Аргентинецот.
