Подочниците често се поврзуваат со замор и недостаток на сон и се сметаат за чисто естетски проблем. Сепак, тоа не е секогаш случај, ако подочниците се појавуваат често, важно е да се утврди нивната причина.
Експертите предупредуваат дека темните кругови и промените во бојата на кожата околу очите можат да бидат показател за различни здравствени состојби. Откривањето на причината е клучно, бидејќи темните кругови честопати можат да бидат првиот сигнал за потенцијални здравствени проблеми.
Подочниците може да бидат знак за слаба функција на бубрезите, како и за задржување на течности. Луѓето кои прекумерно консумираат алкохол често страдаат од подуени подочници, а може да се појават и жолто-кафеави отоци околу очите кои се поврзани со високи нивоа на холестерол.
Ако темните кругови не исчезнат долго време, особено ако се претворат во отечени „вреќи“, тоа може да укажува на анемија. Покрај подочниците, овој проблем често е проследен и со замор, главоболки и отежнато концентрирање, што е особено важно кај децата.
Хормоналните промени, особено за време на ПМС, може да предизвикаат задржување на течности и темни подочници. Доколку подочниците се појават надвор од овие периоди, се препорачува да се провери функцијата на тироидната жлезда, бидејќи тоа може да биде причина за проблемот.
Со оглед на бројните можни причини, доколку забележите дека подочниците се честа појава, тие можат да бидат важен показател кој укажува на потреба од дополнителни прегледи и консултација со лекар.
