Драматична снимка од пожарот кој голта сè пред себе: „Ако добиете наредба за евакуација, сфатете ја сериозно“

На видеото се гледа како пламенот ја зафатил куќата, околните дрвја и улицата додека две лица со маски за лице трчаат надвор.

Др. Ариел Коен, главен метеоролог во Националната метеоролошка служба во Лос Анџелес, рече дека Калифорнија се соочува со еден од најлошите шумски пожари во историјата.

Зборувајќи за силните ветрови што ги рашириле пожарите во текот на ноќта, Коен вели дека ова е „најуништувачката бура што ја виделе во последните децении“. „Зборуваме за ветрови со брзина до 160 км/ч кои шират пожари низ областа Лос Анџелес, создавајќи катастрофа“, нагласи тој.

„Ве молам сите, ако добиете наредба за евакуација, сфатете ја сериозно, вашиот живот зависи од тоа“, додаде тој.

Истакна дека ќе продолжи да дува силен ветер уште неколку часа и дека во моментов не се прогнозираат врнежи од дожд.