Канадскиот производител на маски и футроли за мобилни телефони, "dbrand", објави фотографии од моделот "Galaxy S25"
Објавените фотографии индиректно го потврдуваат дизајнот и рамковниот датум на лансирање на новата серија "Galaxy S25". Дизајнот на телефонот останува во голема мера сличен на претходната генерација, со суптилни промени.
Најголемите промени се забележани кај "Galaxy S25 Ultra", кој доаѓа со позаоблени агли и порамни рамки од двете страни, следејќи го минималистичкиот тренд. Стандардните модели "S25" и "S25+" ја задржуваат познатата дизајнерска форма.
"Dbrand" изјави дека футролите од серијата "Galaxy S25" ќе бидат достапни за испорака од јануари 2025 година, што се совпаѓа со извештаите на корејските медиуми дека "Galaxy Unpacked 2025" ќе се одржи на 23 јануари 2025 година.
Нарачките за првите земји, вклучително и Јужна Кореја, ќе започнат веднаш по лансирањето, додека глобално ќе стане достапен од 7 февруари, а нарачките ќе се прифаќаат од 4 февруари.
Интересно е што футролите за "S25 Slim" моментално не се достапни на веб-страницата "dbrand", што дополнително ги поттикна гласините дека овој ултратенок модел ќе биде лансиран подоцна или зошто воопшто би ви треба футрола доколку го сакате најтенкиот телефон.
Сепак, се претпоставува дека "Samsung" ќе одржи посебен настан посветен на претставувањето на моделот "Galaxy S25 Slim", поради неговата единствена позиција на пазарот на ултра тенките мобилни телефони, со што се отвора нова категорија уреди на овој пазар.
