Овие шест прашања беа на врвот на листата:

1. Што е автосексуалност?

2. Дали е нормално да се крвави после секс?

3. Дали мастурбацијата е грев?

4. Што е оргазам?

5. Колку долго после царски рез можете да имате секс?

6. Колку често брачните парови имаат секс?

Ве интересира што е автосексуалност?

Терминот автосексуалност првпат се појави во медиумите во 2020 година, кога Кортни Кардашијан го спомна на својот блог. „Дали сте автосексуални? Накратко - да, најверојатно. Всушност, сите сме, барем малку", напиша таа. Терапевтката и автор Кејси Танер зборуваше за автосексуалноста на страницата на Кортни, откривајќи дека тоа е особина кога „личноста ја привлекува сопственото тело“.

„Иако мастурбацијата е пример, автосексуалноста може да се прошири подалеку од сексуалното однесување и да вклучи чувства на копнеж или желба за себеси. Тоа може да биде и способност да почувствувате сексуална желба преку визуелизација, допирање или мирисање на самите себе“, изјави Танер за „Poosh“.

Таа додаде дека автосексуалноста е широк спектар и дека повеќето луѓе се некаде на тој спектар. „Некои се исклучиво автосексуални и тоа е нивната сексуална ориентација, додека повеќето луѓе ја комбинираат со секс со партнерот“, објасни таа.

Експертот вели: Многу луѓе се плашат од автосексуалноста

"Тоа би можело да значи носење секси долна облека. Може да значи и дека ја средувате косата или се шминкате само за да се чувствувате добро, дури и кога сте во долготрајна моногамна врска и другата личност тоа речиси и не го забележува. Доколку некогаш ве возбудило чувството на независност од некој друг, тоа е автосексуалност и тоа е сосема нормално“, објасни таа.

„Многу луѓе се спротивставуваат на автосексуалноста, плашејќи се дека таа е нарцисоидна или дека може да го наруши партнерскиот секс. Во реалноста, автосексуалноста може да биде здрав, па дури и вреден дел од вашиот сексуален живот“, нагласи таа.