Според годишната студија на „Holiday Budget Insights“ и „Alpine Travel Experts“, скијачкиот центар Бардонекија на италијанските Алпи го презеде приматот како најекономична скијачка дестинација, потиснувајќи ги бугарските класични избори како Банско и Боровец.

Иста ситуација беше и лани во пресрет на скијачката сезона 2023 година.

Италија пред Бугарија: Нови пресметки за туристите

Во споредба на трошоците за еднонеделно скијање за четиричлено семејство, Бардонекија нуди понуда од околу 1.600 евра, што е за 11% помалку од пакетот во Боровец.

Оваа цена ги покрива сите основни трошоци: сместување, ски-пасови, опрема, храна и пијалаци.

„Бардонекија привлекува сè повеќе туристи благодарение на одличните услови, како и фактот што е едно од ретките места кое успева да понуди врвен квалитет по прифатлива цена“, објаснуваат туроператорите.

Овој италијански скијачки центар се наоѓа на само 90 минути од Торино и располага со над 100 километри скијачки патеки, од кои повеќето се со средна тежина, идеални за семејства и рекреативци.

Покрај скијањето, Бардонекија нуди и содржини за најмладите, како детски зони за почетници и паркови за сноубординг, што ја прави атрактивна дестинација за семејства.

Македонските скијачи остануваат верни на домашните планини

И додека европските туристи гледаат кон Италија за зимски авантури, Македонците сѐ уште претпочитаат да го поминат својот зимски одмор во локалните скијачки центри.

Според Тина Јаневска, туристички агент од Скопје, цените за скијање во Македонија остануваат далеку под европскиот просек, што ги прави домашните центри примамлив избор за македонските семејства.

„За една недела скијање во Маврово или Попова Шапка, просечниот Македонец троши околу 300 евра по лице, што е значително помалку од тоа што би платил во соседна Бугарија или во Србија“, вели Јаневска.

Таа додава дека домашните центри како Крушево и Пелистер исто така добиваат на популарност, бидејќи покрај скијањето, нудат можности за други зимски активности како санкање, планинарење и релаксација.

Остатокот од текстот можете да го прочитате ТУКА.