Украинскиот претседател Володимир Зеленски го осуди масовниот руски ракетен напад врз Украина на денот на Божиќ, обвинувајќи го рускиот претседател Владимир Путин за намерен избор на датум и време за нападот.
За секој руски масовен напад е потребно време. Тоа никогаш не е спонтано, туку свесен избор на целите, времето и датумот. Путин денес намерно го избра Божиќ за да нападне. Што може да биде понехумано? – изјави Зеленски.
Every massive Russian strike requires time for preparation. It is never a spontaneous decision. It is a deliberate choice – not only of targets but also of timing and date.
— Volodymyr Zelenskyy / Володимир Зеленський (@ZelenskyyUa) December 25, 2024
Today, Putin deliberately chose Christmas for an attack. What could be more inhumane? Over 70 missiles,… pic.twitter.com/GMD8rTomoX
Во нападот биле истрелани повеќе од 70 ракети, вклучувајќи балистички, и над 100 дронови, при што целта била украинскиот енергетски сектор.
Ракетите и беспилотните летала погодија градови низ целата земја. Од минатата година Украина го слави Божиќ според Грегоријанскиот календар, што претставува уште еден симболичен чекор за одвојување од руското влијание.
Според Би-би-си, ова е 13-ти голем напад врз енергетскиот сектор на Украина во текот на оваа година. Гувернерот на регионот Днепропетровск, Серхи Лисак, соопшти дека регионот е под „масовен“ напад и ги предупреди жителите да се засолнат кога ќе се огласат сирените за воздушен напад.
Русија се обидува да го уништи енергетскиот систем – објави Лисак на Телеграм.
