Француските социјалисти денеска, по состанокот со претседателот на земјата, Емануел Макрон, сигнализираа дека се подготвени да се приклучат на широката владина коалиција, откако претходно оваа недела на владата на премиерот Мишел Барние и беше изгласана недоверба.
Претседателот на Социјалистичката партија Оливие Фор рече дека социјалистите му рекле на Макрон дека сакаат левичарска политика со левичарски премиер и дека тоа е „порака што треба да ја разбере сега кога го избра Мишел Барние“, објави Ројтерс.
Фор рече дека е подготвен да ја поддржи пошироката влада бидејќи „сите можат да видат дека сегашниот политички ќорсокак и штети на Франција“, но додаде дека „под никакви околности не може да работи со друг десничарски премиер“.
