Во првата борба помеѓу Олександр Усик и Тајсон Фјури во мај оваа година, Украинецот победи со поделена судска одлука по 12 рунди од борбата. Реваншот е закажан за 21 декември во Саудиска Арабија, а по воведната прес-конференција беше објавено видео кое боксерите го снимија по таа средба.
Тие гостуваа кај промоторите Френк Ворен и Александар Красјук на „DAZN“ и се потсетија на последната борба: „Можеше да ме удри со тој удар милион пати и можеби ќе немав последици, но тој ме удри со истиот, и тогаш имаше ефект што беше прекрасно за него“, изјави Фјури, по што Усик се вмеша велејќи: „Беше совршено, Тајсон беше добар во бегањето“.
Усик: „Знаеш ли што ти се подготвува?“
„Имаше мала шанса да ме нокаутираш и не можеше да го направиш тоа, нели?“ праша Фјури, а Усик одговори дека истото важи и за Британецот, кој продолжи: „Не можеше ниту да ме спуштиш откако чекорев како Бамби“.
„Ти ме удри со десет удари, десет чисти удари по брадата. За возврат беше уништен. Како што велеше Тупак, ме удираше со најдобрите удари и сепак не можеше да го одработиш тоа до крај“, а Усик му одговори: „Знаеш ли што ти се подготвува? Ќе те уништам“.
