Социо-економските услови, здравствените потреби и барањето смисла во секојдневието се дел од аспектите што го обликуваат животот по пензионирањето.

Предизвици во секојдневието

Најголемиот предизвик за македонските пензионери останува финансиската состојба.

Просечната пензија често не ги покрива сите трошоци, особено во услови на растечки цени.

Пензионерите сведочат дека најмногу од својот месечен буџет трошат на лекови, сметки и основни потреби.

Многумина од нив се потпираат на поддршката од своите деца, а некои, поради потребата за дополнителни приходи, продолжуваат со сезонски или хонорарни работи.

Друг значаен предизвик е здравствената состојба. Со стареењето, бројот на хронични заболувања расте, што ги прави редовните лекарски прегледи и терапијата неизбежни.

Пензионерите истакнуваат дека здравствените услуги честопати се недостапни или со долги рокови на чекање.

Радости и исполнување

И покрај предизвиците, многу пензионери успеваат да ги искористат годините за активности кои ги радуваат.

Некои се посветуваат на хобија што ги одложувале со години, како градинарство, уметност или готвење.

Други активно учествуваат во клубови на пензионери, каде што дружбата и забавата се во фокусот.

Расте интересот за патувања, како низ Македонија, така и во странство.

Пензионерите ги користат организираните групни тури кои се достапни и нудат можност за забава и откривање нови места.

Учеството во волонтерски активности е уште една форма на исполнување – тие честопати помагаат во локалните заедници, работат со младите или се вклучуваат во иницијативи за зачувување на традицијата.

Остатокот од текстот можете да го прочитате ТУКА.