Германската манекенка Клаудија Шифер остави силен впечаток за време на вечерното излегување.
Познатата Клаудија Шифер се шетала во Санта Моника, а на патот кон ресторанот ја „уловиле“ папараците.
Таа беше главна тема во 90-тите и воодушевуваше на секој чекор, меѓутоа и сега, кога има 54 години, сјае и го привлекува вниманието каде и да се појави.
За неа времето како да застанало, а на неодамнешната прошетка таа се појави во едноставен фустан во бохо стил кој го истакнува струкот, во комбинација со совршените есенски црни чизми. Нејзината препознатлива руса коса, како и негуваното лице беа во преден план.
Клаудија сè уште важи за една од најпосакуваните жени, а поради изразената младоликост многумина се прашуваат дали за оваа жена времето „застанало“.
Додека на црвениот килим сè уште е беспрекорно стилизирана, од друга страна кога е во прашање шминката, таа има многу невообичаен и не баш хигиенски начин за одржување на беспрекорната шминка на лицето. Нејзиниот начин нема да им се допадне на многумина, и веројатно повеќето ќе го осудат.
Имено, за да го постигне совршениот „smokey eye“ ефект, Клаудија не ја брише шминката пред спиење и на тој начин следниот ден го добива посакуваниот резултат.
