Според пишувањата на „Daily Mail“, маскирани крадци извршиле кражба на имотот во близина на Виндзор додека принцот Вилијам и Кејт Мидлтон спиеле во својот дом, Аделаид Котиџ.
Провалниците, наводно, користеле украден камион за да ја пробијат безбедносната порта и да украдат земјоделски машини.
Сведоците тврдат дека крадците, кои биле на квад и возило тип „пикап“, го напуштиле местото веднаш по извршувањето на кражбата. Оштетената порта се наоѓала во близина на излезот од Аделаид Котиџ, каде кралското семејство често се гледа при пристигнување или заминување. И покрај присуството на полициски патроли, безбедносните сили не успеале да ги спречат разбојниците.
Извор близок до семејството изјавил дека провалниците веројатно „го следеле имотот некое време“. Иако во замокот Виндзор постојат алармни системи, првиот сигнал за кражбата се појавил дури кога била пробиена безбедносната бариера на фармата Шу.
Портпарол на полицијата потврдил дека инцидентот се случил во неделата, околу 23:45 часот. „Добивме пријава за провална кражба во имотот Краун Естејт, каде крадците влегле во главната зграда и побегнале со црн пикап Isuzu и црвено теренско возило. Подоцна биле забележани во близина на Олд Виндзор и Датчет.“
Принцот Вилијам и семејството се преселија во Аделаид Котиџ во 2022 година, каде уживаат во приватноста на овој дел од кралскиот имот.
