Володимир Зеленски реагираше на веста за дозволата на Западот, Украина да ја нападне Русија со оружје со долг дострел, велејќи дека одлуките „не се носат со зборови“ и дека „ракетите ќе зборуваат сами за себе“.
Украинскиот лидер рече дека планот за зајакнување на Украина е победнички план што им го претстави на партнерите и дека една од неговите „клучни точки“ е способноста да се гаѓа руска територија со оружје со долг дострел.
„Во медиумите многу се зборува за тоа дека добивме дозвола за соодветни дејствија. Но, ударите не се изведуваат со зборови. Такви работи не се најавуваат. Ракетите ќе зборуваат сами за себе. Сигурно ќе биде така“, рече тој.
Зборувајќи за рускиот воздушен напад во кој загинаа седум лица и сериозно беше оштетена енергетската инфраструктура, Зеленски исто така рече дека вчерашниот ден го одбележа „еден од најголемите и најопасните руски напади во целата војна“.
I am deeply grateful to all our partners who support us with air defense systems and missiles. This is a truly global effort. Every time Russia carries out such attacks, it underscores how critical it is that partners don’t leave systems like Patriot and others sitting idle in… pic.twitter.com/4VZu4JpzxG
— Volodymyr Zelenskyy / Володимир Зеленський (@ZelenskyyUa) November 17, 2024
„Ова е одговор на сите оние кои сакаа да постигнат нешто со Путин преку разговори, телефонски повици, прегратки, омекнување на реториката. Денес овој „гулаб на мирот“ ни испрати уште еден ракетен оган. Ова е неговата дипломатија. Неговиот јазик е предавство“.
Треба да се вложи време „не во разговори со некого во Москва, туку во тоа навистина да се принуди Русија да стави крај на војната“, заклучи Зеленски.
Ројтерс објави дека три добро информирани извори рекле дека администрацијата на американскиот претседател Џо Бајден ги укинала ограничувањата кои претходно ја спречувале Украина да користи американско оружје за да изврши напади длабоко на руска територија.
