Фотографијата на Килијан Мбапе со Ашраф Хакими на којашто во заднина може да се забележи наргиле, ги разбесни навивачите на Реал Мадрид.
На почетокот од оваа недела, Мбапе на својот инстаграм профил објави фотографии на коишто можеше да се забележи како се забавува со Ашраф Хакими и Арнау Тенас, неговите поранешни соиграчи од ПСЖ, и тоа откако тој не се најде на листата на Дешамп за претстојниот натпревар на Франција во Лигата на нации.
💥 La foto de Mbappé en París que ‘enfada’ a parte del madridismo
— Diario AS (@diarioas) November 13, 2024
👀 Una cachimba, en el centro de la polémica pic.twitter.com/Wnu4Bz3EJL
Напаѓачот на Реал Мадрид го искористи своето слободно време за да игра падел и видеоигри со пријателите, и притоа сподели фотографии на социјалните мрежи. Меѓутоа, една фотографија особено ги разбесни обожавателите на Реал Мадрид, односно онаа на која во заднината дискретно се појавува наргиле. На многумина обожаватели на Реал ова им пречеше, така што отворено го критикуваа Французинот на социјалните мрежи.
Lo de que Mbappe se pase los días libres fumando es lo que me faltaba.
— Mourinhismo𓃵 (@Mourinhismo__) November 11, 2024
Este tío se está riendo de todo el madridismo, otra vez. pic.twitter.com/7WbGJj6XBw
„Мбапе ги поминува слободните денови пушејќи наргиле. Овој тип уште еднаш се исмејува со мадридизмот“, беше еден од коментарите на навивачите на Реал Мадрид.
Истовремено, се појавија и информации дека Мбапе не сака да настапува за француската репрезентација сè додека Дешамп е селекторот.
Ромен Молина, францускиот новинар кој има 550.000 следбеници на „Х“ и кој пишува за Гардијан, Би-би-си и Си-ен-ен, ексклузивно објави дека Мбапе е разочаран од односот на Дешамп кон него и дека не сака да игра за националниот тим, сè додека не седне нов тренер на клупата.
