Албанскиот премиер Еди Рама го критикуваше Самитот за климатски промени COP29 во Баку.
Критиката се однесува на недостатокот на промени во однесувањето, и покрај убавите зборови за борбата против климатските промени.
Албанскиот премиер, Еди Рама, го критикуваше самитот за климатски промени COP29 во Баку и се запраша за значењето на меѓународните преговори за климата, доколку најголемите загадувачи не го променат своето однесување.
„Луѓето таму јадат, пијат и се фотографираат. Изгледа како сè да продолжува по старо, како што е секојдневието на светот. Животот продолжува со истите стари навики, додека нашите говори - полни со убави зборови за борбата против климатските промени - не донесуваат никаква промена,“ изјави Рама, пишува Гардијан.
Albanian Prime Minister Edi Rama slammed world leaders for not listening to each other's speeches, adding that ‘good words’ spoken during the COP29 climate summit will not change anything https://t.co/o66xVOO1fo pic.twitter.com/X0iimOjlYn
— Reuters (@Reuters) November 13, 2024
Рама го истакна вчерашниот говор на генералниот секретар на ООН, Антонио Гутереш, кој нагласи дека емисиите на јаглерод диоксид се зголемиле од последниот самит на COP.
„Што значи тоа за иднината на светот ако најголемите загадувачи продолжат по старо? Што всушност постигнуваме на овие собири, повторно и повторно, ако не постои заедничка политичка волја да се премине од зборови на дела и да го постигнеме единството за вистинска промена?“ праша Рама.
