Погребот на девојчињата и нивниот дедо е во тек. Зад капелата се наоѓаат два тима за итна медицинска помош. Како што јави репортерот на "Blic", река од луѓе се движи кон гробиштата во Ковиљ.

Пристигнале и челниците на градот Нови Сад со градоначалникот Ѓуриќ.

Граѓаните меѓу себе велат дека Ковиљ не памети ваква трагедија, а лелекот и плачот на ужаленото семејство одекнуваат низ улицата.

Децата оставаат кадифени играчки пред ковчегот.

Како што пренесува "Informer", мајката на несреќните девојчиња не се одвојува од ковчегот на своите ќерки.

„Кутрата, нема сила ни да стане. Не знам како ќе продолжи без Валентина и Сара. Буквално плаче од болка“, вели еден од мештаните кој дошол на погребот.

На погребот, како што јави репортерот на "Blic", 11 свештеници служат опело.

Граѓаните на погребот на девојчињата носат играчки и кадифени мечиња кои ќе им ги остават на гробот.

На посмртниата семејството објавило заедничка фотографија од двете девојчиња кои се гушкаат и се насмеани.

Како што изјави за „Blic“ таткото на девојчињата кои загинаа на железничката станица во Нови Сад, кога слушнал дека паднала настрешницата под која го чекале автобусот, непрекинато му се јавувал на татко му, па и на постарата ќерка Валентина, но немало одговор.

„Одев од болница до болница за да ги најдам, но тие одамна беа мртви“, изјавил Ѓорѓе Фириќ, таткото на девојчињата Валентина (9) и Сара (5), кои починаа во петокот кога се урна настрешницата на Железничката станица Нови Сад.

Дедото ги прегрнал за да ги заштити, сите тројца загинале

Според зборовите на Драган Бјелиќ, тоа што го видел на Железничката станица во Нови Сад е најтешката сцена што ја видел во животот која никогаш нема да избледи!

„Бевме на железничката станица во Нови Сад околу 12:30 часот и екипите веќе беа на терен. Кога стигнавме, прво бевме обземени од шок и неверување. Ова е наш град, наш народ … Не знаеш што те чека. Но, ги оставивме емоциите на страна, отидовме во професионален режим и ја започнавме спасувачката операција. Но, тие сцени беа страшни. Особено сцената кога видовме дедо под урнатините како ги гушка своите внуки Тина и Сара. Тоа не може да избледи, да се заборави, не можете да останете имун на тоа“, ја започнува својата приказна Драган Бјелиќ по трагедијата што го погоди Нови Сад.