"JPMorgan Chase" летово почна да поднесува тужби против клиентите кои го искористија техничкиот проблем што им овозможи да подигнат „бесконечни суми“ од банкоматите. Луѓето можеа да поднесуваат лажни чекови, а потоа да подигнат пари од нивните сметки.
На платформата "TikTok" се објавени видеа кои им објаснуваат на корисниците како да депонираат лажни чекови и да си заминат со огромни суми готовина. Трендот се покажа многу успешен за некои, но сега "JP Morgan" најавува тужби.
Банката, која е најголемата финансиска институција во Америка, досега поднела четири тужби – две против физички лица и две против компании. Тоа беше во Лос Анџелес, Хјустон и Мајами.
„Измамата е кривично дело кое влијае на сите и ја поткопува довербата во банкарскиот систем“, рече портпаролот на банката Дру Пусатери во соопштението. „Ги истражуваме овие случаи и активно работиме со органите на прогонот за да се увериме дека секој што извршил измама против "JPMorgan Chase Bank" и нејзините клиенти ќе одговара“.
Во најголемата од четирите тужби поднесени досега, во јужниот округ на Тексас, "JPMorgan" напиша дека „маскиран човек“ депонирал лажен чек од 335.000 долари на банкарска сметка на банкомат.
Мажот, наводно, потоа подигнал поголем дел од готовината пред банката да сфати дека чекот е лажен. Банката соопшти дека тој сега должи 290.939,47 долари.
„Chase се гордее со своите напори да ги заштити своите клиенти од измамници, особено во средина каде што банкарските измами се сè почести“, соопшти банката во својата пријава.
„Иако методите на измама еволуираа со текот на времето, основната намера за експлоатација и измама останува непроменета“, се вели во извештајот.
