Музичарот Мартин Филиповски од „Некст Тајм“ и неговата сопруга, ракометарката Андреа, станаа родители за првпат.
Денес на свет дојде нивната ќерка, која го доби името Лиана – необично и прекрасно.
Среќниот татко се огласи на Инстаграм и со своите следбеници ја сподели оваа неопислива радост. „Светот во раце. Добредојде Лиана“, напиша Мартин.
Тој и сопругата Андреа, ги објавија убавите вести дека ќе станат родители уште во мај годинава, а за време на целата бременост ретко споделуваа нови фотки.
Мартин и Андреа се заедно од 2015-та година, а во 2022-ра година тој ја запроси ракометарката во интимна атмосфера.
Потоа, црковната венчавка се одржа во родниот град на ракометарката Андреа во Кичево.
Честитки на приновата!