Американскиот претседател Џо Бајден ги повика сите на патот на ураганот да ги следат безбедносните упатства, додавајќи дека се работи за живот или смрт.
Бајден вели дека неговиот тим направил се што може за да се подготви за ураганот „Милтон“.
„Сакам да објаснам нешто. Во последните неколку недели, неодговорно се шират дезинформации и отворени лаги за да ги вознемират луѓето. рече Бајден, одговарајќи на критиките дека не направил доволно за одбраната и безбедноста од ураганот.
Тој се осврна и на изјавите на Трамп.
Governor DeSantis and Mayor Castor – if you need any additional resources as we prepare for Hurricane Milton to make landfall, you give me a call.
— President Biden (@POTUS) October 9, 2024
We’re here for you as long as it takes. pic.twitter.com/FjjNftWWkg
„Трамп го предводеше овој бран лаги. Изнесени се тврдења за одземање имот – тоа не е точно. Тие велат дека луѓето погодени од невремето ќе добијат 750 долари во готовина и ништо повеќе – тоа не е точно. Тие велат дека парите потребни за оваа криза се пренасочуваат кон мигрантите – што е смешно да се каже“, вели Бајден.
Бајден вели дека никој не треба да го наведува американскиот народ да се сомнева дали нивната влада ќе биде таму кога ќе удри ураганот.
